DAGS

28.02.2026

Kl.

9-16

BROTTFÖR Kl.

9

Lýsing

Konni fararstjóri fór á svæðið í morgun (25/2) til að kanna aðstæður eftir hlákuna sem var í gær og hann metur það svo að þarna sé ekki nógu gott færi til skíðaiðkunar. Við aflýsum því ferðinni að sinni.


Brottför kl. 9  á einkabílum frá FFA, Strandgötu 23. 

Safnast saman í bíla ef vill. Þeir sem þiggja far með öðrum taka þátt í bílakostnaði.

Fararstjórn: Konráð Gunnarsson og Sigurgeir Sigurðsson


Gengið frá hringvegi 1 við afleggjarann að Stöng á Nónskarðsási. Haldið norður heiðina og stefnt að Másvatni um Kollásamýri að Hallgrímslág þar sem tveir menn urðu úti um 1830. Þaðan er haldið yfir Kalmanstjörn, upp á Ljótsstaðahall og að Skollhólum þar sem tvær vinnukonur frá Þverá í Laxárdal urðu úti 1880. Þaðan er haldið að suðurenda Hvítafells og sveigt vestur af heiðinni og niður að Litlu-Laugum í Reykjadal. Skíðað er í 3-4 klst. Selflytja þarf bíla milli Litlu-Lauga og Stangarafleggjarans.


Vegalengd: 18 km Gönguhækkun: Óveruleg.


Verð: 2.700 / 4.400 kr. Innifalið: Fararstjórn. 

Greitt er fyrir þessa ferð við brottför.


Skráning í ferðina

Búnaður

  • Dagsferðir á gönguskíðum

    Nauðsynlegur búnaður í dagsferð á gönguskíðum:

    Gönguskíði og skíðaskór. Best er að hafa skíði með stálköntum/utanbrautarskíði

    Skíðastafi (athugið að ólin sé þannig að þið komist í þykkum vettlingum í hana)

    Gott að hafa meðferðis skinn á skíðin

    Skíðagleraugu, sólarvörn og varasalvi

    Vind- og vatnsheldan jakka

    Vind- og vatnsheldar buxur

    Ullarnærföt

    Hanska/vindhelda vettlinga

    Drykkjarflösku og smá orku til að narta í t.d. orkustykki (alltaf eitthvað heitt að drekka)

    Sólarvörn og varasalvi

    Gott að hafa höfuðljós í lengri ferðir

    Sjúkragögn, hælsærisplástur, verkjalyf og annað smálegt

    Sjúkragögn (hælsærisplástur og annað smálegt)

    Gott að hafa létta úlpu og þurra vettlinga (gott líka að hafa „pokavettlinga“ til að hafa yfir aðra). Margir hafa líka með sér þurra húfu